Dima Slobodeniouk

Loado polo seu intelixente liderado artístico, Dima Slobodeniouk ocupa o cargo de director titular da Orquestra Sinfónica de Galicia desde 2013, posto que combina cos seus máis recentes compromisos como director da Orquestra Sinfónica de Lahti e director artístico do Festival Sibelius tras o seu nomeamento en 2016. Vinculando as súas raíces rusas nativas coa influencia cultural da súa terra natal —Finlandia—, apóiase no poderoso patrimonio musical de ambos os dous países.

Traballa ademais con orquestras como a Filharmónica de Berlín, a Gewandhausorchester de Leipzig, a Symphonieorchester des Bayerischen Rundfunks, a Rundfunk-Sinfonieorchester de Berlín, a ORF Radio-Symphonieorchester de Viena, a Orquestra Filharmónica de Londres, a Orquestra Sinfónica de Londres, a Orquestra Sinfónica da Radio Finlandesa, a Orquestra Filharmónica de Rotterdam, as orquestras sinfónicas de Chicago, Houston e Baltimore, así como a Orquestra Sinfónica de Sidney. 

Os compromisos de Slobodeniouk para 2020/21 inclúen o seu debut coa Filharmónica de Estocolmo e a Orquestra Sinfónica de Pittsburg. Dirixirá a Orquestra Sinfónica de Boston coas obras O Paxaro de Lume de Stravinsqui, volve traballar coa Orquestra de Minnesota, coa Sinfónica de Frankfurt Rundfunk, coa Rundfunk-Sinfonieorchester de Berlín, coa Radio-Symphonieorchester de Viena con Prometeo de Scriabin e mais coa Sinfonía dos Salmos de Stravinsqui, co Coro da ORF. Ademais, dirixirá a Filharmónica dos Países Baixos no seu setenta e cinco aniversario con Truls Mørk así como a Orquestra Sinfónica de Barcelona. 

Abriu a temporada da Orquestra Sinfónica de Galicia coa Sinfonía nº 9 de Mahler. Coa Orquestra Sinfónica de Lahti iniciou a temporada co traballo de cinco mozos compositores: Olli Moilanen, Petros Paukkunen, Lara Poe Stephen Webb e Dante Thelestam como parte do Festival Sibelius Nursery. Todos estes mozos compositores crearon as súas obras durante a primavera e baixo a tutela de grandes compositores como: Haapanen, Whittall, Fagerlund, Talvitie, Wennäkoski. Algúns dos solistas cos que traballou esta temporada son Leif Ove Andsnes, Joshua Bell, Khatia Buniatishvili, Vadim Gluzman, Håkan Hardenberger, Johannes Moser, Truls Mørk, Baiba Skride ou Yuja Wang and Frank Peter Zimmermann.

A discografía de Slobodeniouk ampliouse recentemente con gravacións das suites de Prokófiev coa Orquestra Sinfónica de Lahti, coa que previamente gravara as obras de Kalevi Aho (BIS), traballo que recibiu o premio BBC Music Magazine 2018. Gravou obras de Stravinsqui coa Orquestra Sinfónica de Galicia (BIS), Perttu Haapanen e Lotta Wennäkoski coa Orquestra Sinfónica da Radio Finlandesa (Ondine) e obras de Sebastian Fagerlund coa Orquestra Sinfónica de Gotemburgo (BIS).

Dima Slobodeniouk, nado en Moscova, estudou violín na Escola Central de Música de Moscova con Zinaida Gilels e Jevgenia Chugajev; no Conservatorio de Finlandia Central así como na Academia Sibelius con Olga Parhomenko. Os seus estudos de dirección continuaron con Atso Almila baixo a guía de Leif Segerstam e Jorma Panula na Academia Sibelius, e tamén estudou con Ilya Musin e Esa-Pekka Salonen. No seu afán por inspirar os mozos músicos do futuro, Slobodeniouk traballou nos últimos anos con estudantes na Academia do Festival Verbier e, ademais, comezou unha iniciativa de dirección de orquestra coa Sinfónica de Galicia, que brinda unha oportunidade para que os estudantes traballen no podio cunha orquestra profesional.